公屋潮文創業篇 點先有雞脾食？
發布時間： 2015/03/13 15:40
最後更新： 2015/05/06 17:13
**以下創作故事根據網絡文章 「公屋潮文 (又名 女朋友帶你返屋企食飯)」改篇而成
某天晚上，Angela邀請Jason去佢屋企食晚飯。兩人拍拖兩年，第一次見女方家長，的確會有點緊張。
Jason: 「唉，我怕陣間唔知講咩好，又怕講錯野，影響你屋企人對我的觀感。」
Angela: 「唔洗緊張喎，拍拖係我地兩個人的事，無論點都好，我愛你就得啦！ 自然一點，比些信心自己！」
說著說著，兩人已經踏進Angela家門口。Angela 的父母都在家，大家很熱情地打了招呼，便準備埋位吃飯。
情景1： Jason 家住公屋，且創業失敗
伯母：「係呢，Jason 你住邊嫁？」
Jason： 「伯母，其實我住係元朗」
伯母：「元朗好呀，空氣好，又有西鐵，交通方便，係呢你屋企係yoho第幾期？」「我住唔近元朗西鐵站，我喺朗屏邨個邊住⋯嗰邊⋯」
Jason 話都未說完，伯母便面有難色地追問： 「下？ 咁你做邊一行嫁？」
Jason: 「我.. 我其實係自己創業的，不過近來遇到些難題 ... 又或者係創業都唔係咁適合自己，所以... 」
伯母： 「得了... 我有些唔舒服，Jason 不如你先離開吧。」
世伯、Jason 、Angela 三人你眼望我眼，完全不知如何是好。無可奈何地，Angela 還是先讓Jason 離開。
Jason離開後，伯母整天晚上也躲在房間，半句聲也沒有再出過。
情景2： Jason 家住公屋，但創業成功
伯母：「係呢，Jason 你住邊嫁？」
Jason： 「伯母您好，其實我住係元朗的公屋，細細個屋企就好窮，全靠爸爸媽媽好辛苦咁養大我...」
Jason 話都未說完，伯母便面有難色地追問： 「下？ 咁你做邊一行嫁？」
Jason: 「因為我知屋企窮，我好想家人將來有些好日子過。 所以一直我都好比心機讀書，讓自己增長知識。 大學畢業之後就同朋友開左間公司，每日都咬實牙關過生活，今天總算有些成續。 伯母你睇下，今日呢份報紙都有我的報導呢 」
伯母望了一望份報紙的標題： 「80後創業家，年賺七位數」
伯母呆了半分鐘，這半分鐘好漫長，好像遊了太空一圈。 冷靜點冷靜點，回過神來： 「所以我成日都話，咩野出生真係唔緊要，最重要係自己有本事，出到社會總有機會的。 」
世伯： 「嗯，嗯.. 」
伯母續說： 「我前排呀，先至係電視見到果個創業組織青年創業軍的訪問，佢地句口號，就係莫欺少年窮啦，哈哈。」
Jason： 「係呀伯母，其實我都係青年創業軍的成員。」
伯母： 「哇，真係？」
世伯： 「未來就係你地年青人的世界啦，咳～咳～」
伯母： 「好啦～ 廚房隻雞都煮熟了，聽Angela 講你好鐘意食雞脾喎，陣間食多啲啦～」
伯母、世伯、Angela 和Jason四人都展現出很歡欣的笑容。整餐晚飯，伯母亦不停追問著Jason創業艱辛的日子，以及如何去克服。
情景3： Jason 家住私樓，但創業失敗
伯母：「係呢，Jason 你住邊嫁？」
Jason： 「伯母，我住係沙田的私樓，係爸爸幾年前打本比我買的，仲差少少就供完了」
伯母點點頭： 「嗯～ 咁幾好呀，若果果陣你無買到，而家先上車就更難啦。 仲後生，慢慢供啦。 不過，其實你做邊行嫁？」
Jason: 「我.. 我其實係自己創業的，不過近來遇到些難題 ... 又或者係創業都唔係咁適合自己，所以... 」
伯母： 「哦～ 唔緊要，你仲咁後生，大把時間！ 不過咁，因為你都仲供緊樓，所以都要快些決定自己的道路」
Jason: 「係，伯母！」
伯母： 「好啦～ 廚房隻雞都煮熟了，你食隻雞脾喎，咁先有精力打拚」
Jason面露歡笑： 「謝謝，伯母！」
伯母、世伯、Angela 和Jason四人都展現出很歡欣的笑容。但整餐晚飯，伯母亦不停追問著Jason未來的路應該如何去行才好。
情景4： Jason 家住私樓，且創業成功
伯母：「係呢，Jason 你住邊嫁？」
Jason： 「伯母您好，我住係沙田的私樓，係爸爸幾年前打本比我買的，雖然唔算好大，不過仲差少少就供完了」
伯母點點頭： 「嗯～ 咁幾好呀，大唔大唔緊要，最重要係屬於自己，你知啦而家香港地有間屋都不知幾難～ 咁你做邊行嫁？」
Jason: 「其實我畢業之後就同朋友開左間公司，尚算經營得唔錯，伯母你睇下，今日呢份報紙都有我的報導呢 」
伯母望了一望份報紙的標題： 「80後創業家，年賺七位數」
伯母呆了成分鐘，這分鐘好漫長，好像遊了太空好多個圈。 唔得！一定要冷靜，回過神來： 「係喎～ 係喎～ 其實我頭先第一眼見到Jason你，就覺得你年青有為，同其它後生仔好唔同 ，哈哈哈」
伯母一邊笑一邊輕拍著世伯，世伯亦忙聲說： 「係... 係... 」
伯母： 「係喎，老公！ 忘記左我地今晚約左陳太打麻將喎，我地都要行啦。 Angela 你快些拎廚房隻雞脾出泥比Jason食，後生仔唔可以餓壞嫁，我地今晚唔返泥了，你地自己慢慢啦！ 哈哈哈！」
